Sunday, August 05, 2007

الحب..؟


الحب

موضوعنا النهارده موضوع جديد اوى اوى اوى وتقريبا ما بنتكلمش فيه خالص لدرجه ان بقا عندنا كبت ونفسنا نتكلم..... موضوعنا النهارده هو (الحب) .........مفاجاه مش كده...اخيرا هنتكلم...اخيرا هنعبر عن اللى جوانا..............!!! لو سالت اى شاب او شابه مصريه اى سؤال عن اى حاجه فى الدنيا مش هيرد عليك حتى لو كنت بتساله عن اسمه لان محدش بقى عارف حاجه.... الا طبعا لو سالته بقى السؤال المعقد الصعب اللى محدش بعون الله يعرفه غيره هو او هى و بس ......يعنى ايه حب يا بشمهندس؟؟؟؟ فجاه تلاقى نفسك بتكلم واحد تانى غير اللى كنت بتكلمه من شويه ..عينيه وسعت وسبلت ووشه قلب على روميو او قيس او عماد حمدى او اى حد من الجماعه العظام دول ويقولك...................

الحب:يا سلام عليه احساس جميل مايتوصفش وهو اللى بيخلينا.....وهو اللى بيدينا ال.....ومن غيره متنفعش الحياه وهو عطاء وتضحيه و اخلاص وتسامح ووفاءوسلوى وريهام و..... واللى بيحب ما يعرفش.... ولا يقدرش... وكلاااام كتييييييييييييير حلو جدا جدا جدا

.... طب ماشى يا عم انا مصدقك قولى بقى.............

.هل أنت ولامؤاخذة مثقف؟

.هل فكرت وغامرت واتهورت مرة وقريت كتاب؟؟

.بتقرا حاجة غير مجلة ميكي ؟؟

.عندك مصدر بتجيب منه معلومات غير قعدة القهوة؟؟

.تعرف يعني إيه حزب؟؟

.هل تعلم ماهى الليبرالية والفدرالية والإشتراكية ؟؟

.يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات..فكل الدلائل تشير إلى أن الشباب المصرى عليه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!

السؤال بقى...ليه احنا كده ليه تفكيرنا وكلامنا دايما منحصرين فى حاجتين مالهمش تالت الحب والارتباط وكاننا ربنا مخلقناش الا علشان نحب ونتجوز وبس...وياريت ده كمان عارفين نعمله................ليه مش بنحاول ننمى نفسنا ولا بلاش ليه مش بنحاول نلاقى نفسنا او ليه مبنحبش نفسنا الاول وبنسبها كده.... ليه مش بنحب ربنا .....(اه سورى نسيت ان كلنا بنحب ربنا...بدليل تصرفتنا اللى بنعملها)....ليه مش بنحب اهلنا......(برضو بنحبهم)..بعدين حب عن حب يفرق اصلو خلاص بقى انواع...فى منه الاخوى ومن اول نظره والعذرى و......

بس هنقول ايه.....ان شاء الله خير وربنا يكرمنا ويجعل ايامنا كلها حمرااا ومليانه دباديييييب اكتر من يوم الفالنتين جو الجامعه

...(الفالنتين المستورد بتاع شهر اتنين مش المصرى)

محمد محيي....

10 comments:

Anonymous said...

hehehehe............ gamdaya mo7ie awi awi

MOHIE said...

ya 7abeby shokran

Anonymous said...

eh yad el 7alawa de manta gamed aho
aaaawwwwwwwwwwwwwwwwwwwwww

mahmmoud said...

ظريفه جدا يا محيي

nosha said...

والله يا محي مش عارف أقولك إيه كلام منطقي جداً بس لو بصيت نظرة أبعد هتلاقي إن فعلاً حياتنا بتمشي بالحب وبالنسبة للرومانسية والارتباط فده شيء طبيعي لأن الاستقرار بيجي من العاطفة القوية اللي بتحلي حياتنا
ومن ناحية تانية خالص بعيد عن الرومانسية أو الأرتباط معنى الحب بصفة عامة إننا نحب بعضنا ونقرب لبعض ونعرف وجهة نظر بعض ونبعد عن الكره والأنانية والشر
أظن بقى في الحالة دي فعلاً الحب هو كل حاجة في حياتنا
تحياتي ليك

MOHIE said...

انا مش معترض على الحب فى حد ذاته او بصفته المجرده انا معترض و بشده على اللى بيحصل
و شكرا nosha واتمنى المزيد من التواصل

Anonymous said...

زمان كان مصير الامة في يد شبابها و باديهم غيروا مسارها و ارادوا لها الاحسن و وقفوا ضد الظلم بكل انواعه زمان كانت المقاهي هي مصدر الثقافة السياسية و الادبية اما الان هي منبع للفساد و الاحاديث التافهة و النكت القذرة و السباب ..قرأت من فترة عن دراسة عالمية اكدت ان الشباب المصري من اكثر الشباب في العالم الغير واع بسياسة بلده ..( ده غير الاحصائية الل بتقول ان اكثر نسبة مدخنين من مصر و غير طبعا كوننا من اوائل العالم في انتهاك حقوق الانسان) الاحصائيات كترت اوي و اصبحنا في اسفل القائمة و الشباب مسطول مش حاسس و معلي دماغه و مشغول بحاجات تانية اهم تنحصر في الاهلي و الزمالك و الجنس خصوصا بعد الانصراف التام عن فكرة الزواج المعقدة و بعيدة المنال ...اسرائيل مثلا..هم اعدائنا اه لكن غلبونا في انتمائهم و حماسهم بلدهم تتعدى عمرها النصف قرن بشوية و 7 مليون نسمة فقط أي عشر عددنا و 20،770 كم2 أي واحد على خمسين من مساحة مصر و طول تاريخهم مكروهين و مضطهدين من العالم كله و مع ذلك لم ييأسواو تعدونا بمراحل و احتلوا اعلى المراتب في كل المجالات..
و بالنسبة للحب..و خلينا نبص لنظرة ابعد من اللي بتقولو عليها..احنا اكتر ناس بتتفنن في خلق اعداء..بدليل كرهنا للغرب .. و الشمال و الجنوب.. احنا حتى جوه بعضنا اعداء.. انا مش هستغرب يوم لما تحصل حرب اهلية في مصر بين الاهلي و الزمالك!!!و بنرجع نقول احنا ديننا دين حب و تسامح!! زي ما الدين بيقولنا النظافة من الايمان!! و احنا بلدنا مزبلة اساسا و شعبنا مبيستحماش!!
زي ما الرسول بيقول"خيركم للناس انفعكم للناس" و احنا اصلا عالة على العالم كله!!



nymph. girl

MOHIE said...

thanx..((nymph. girl))...
ممكن يكون معاكى و كبيير كمان بس احتمال كبير نكون وصلنا لمرحله التبلد بس الحل فى وجهه نظرى فى..............(ابدا بنفسك اولا)
و محدش ما بقاش عارف الصح من الغلط
بس المشكله فى الثبوت على المبدا ده للى عندهم مبادى اساسا
thanx again.....!

Anonymous said...

عارف ليه لان حب النوع الاخر ديه غريزه ربنا ادهالنا عشان النوع يستمر والكون يعمار انما حب الاهل ده عليه صواب وعقاب وربنا ادانا الحريه فى الاختيار عشان يجزينا على ده

Anonymous said...

wallay klam msh batal wy fa3lan bia7sal bs msh shaif ank mzodha shoia bs wada7 ank bt3any mn al balad dy wallahy msh da bs aly nas msh 3arfa da fe 7agat ktir awy