Wednesday, February 27, 2008

محميه طبيعيه


محميه طبيعيه
بعد آلاف المؤتمرات للدفاع عن حقوق المرآه برضو معرفتش المرآه تاخد حقها يا عينى.....من الغابه اللى هيه عايشه فيها..... حد ممكن يصدق ان المرآه فى مصر لسه ما بقتش قاضيه.....يالهوى....ولا رئيسه جمهوريه....لا انت بتهرج...ده حتى كمان اول مأذونه لسه متعينه من كام يوم.....لا مش بس كده دى كمان مش مسموح لها انها تلعب مصارعه رومانى....وكمان مالهاش غير عربيتين فى المترو بس......ولسه ما بقاش من حقها انها تطلق جوزها...معقول يكون فى كده......بجد كتير ....كتير اوى......
............. كل يوم نسمع عن جمعيه جديده او مؤتمر جديد للدفاع عن حقوق المرآه.......فلو مشيت المرآه فى ا لشارع... تانى يوم نلاقى ...(المؤتمر العالمى للدفاع عن المرآه اللى بتمشى فى الشارع).... وجمعيه المرآه العامله والمرآه مش العامله.....واليوم العالمى للمرآه.......والمجلس القومى للمرآه....... ..وكل ماتبدأ سنه جديده يقولولك ده عام المرآه المصريه....ويستمر النضال ويستمر القتال لحصول المرآه على حقها ولا للتمييز ضد المرآه ولا للعنف... ومع كل نشره اخبار ومع اخبار البورصه يقولولك نسبه العنف ضد المرآه النهارده بقت 17%.....وكأن الرجاله بيبرطعو فى الكوكب على مزاجهم رايحين جايين ماوراهمش حاجه غير انهم يقرفوا فى الستات اللى مش عارفين ياخدو لا حق ولا باطل مع الرجاله ...ولو نطق راجل وقال مافى ستات بتقطع اجوازها.....يقولو دى كام حاله فرديه ودى مش مقياس...طب مافى ستات بتضرب اجوازهم.......لا برضوا اكيد هو اللى بجبروته استفذها ووصلها للمرحله دى.......هوا بعد ما نجيب محفوظ كتب شخصيه (سى السيد) واتعملت فيلم وبقه هو ده نموذج الرجل المعاصر...... اللى هو السبب فى انحراف المرآه وضعفها وجهلها واى مصيبه تحصل للمرآه..........اللى نفسها تتساوى مع الرجل يا عينى ومش عارفه...............وهنا بقى السؤال..ليه المرآه ما تطلبش انها تدخل الجيش وتدافع عن وطنها؟؟ ده من باب التساوى مع الرجل مش اكتر.....بلاش الجيش ليه ما بتطالبش انها تشتغل كمثرى فى اتوبيس او عامله بناء او كناسه فى البلديه؟؟؟...........ولا ده بس حلال على الرجاله .......والمرآه تبقى وزيره وقاضيه ورئيسه جمهوريه وغير كده لا......
انا شايف ان المرآه تحدد الحته اللى تعجبها فى الكون وتطالب بعملها (محميه طبيعيه للمرآه) وتبعد عن الجنس الرجولى الهمجى العنيف و السبب فى كل البلاوى اللى بتحصل لها دى ...........وهناك هتبقى قاضيه ورئيسه جمهوريه وماذونه و المترو كله ليها لوحدها وهتختفى كل مشاكل قوانين الاحوال الشخصيه وتطلق نفسها براحتها ولا تمييز ولا عنف ولا وجع قلب وتعيش مرتاحه ومنفسهاش فى حاجه من غير ماتعملها وتسيب الباقى فى الكره الارضيه (ده اذا سابت حاجه).........للرجاله
الهمجيين ..او ل(سى السيد)
محمد محيي

5 comments:

Anonymous said...

هاي محيي
أول شيء معترضة عليه هو اصطلاح(محمية طبيعية)لأن المرأة ليست نبات أو حيوان مهدد بالانقراض مما يستلزم حمايته من بطش الرجال.. فالمرأة انسان ايضا و ليست من شعبة أو فصيلة مختلفة!! لا تختلف عن الرجل في الذكاء و المستوى العقلي و الفكري و تركيبة الدماغ (كما يتهمها البعض بنقصان العقل)!! و انما الاختلافات جسمانية تنحصر في الأعضاء التناسلية و بعض الهرمونات و الأحبال الصوتية و حجم العظام و نسبة الدهون و العضلات ..و ذلك يفسر لك سبب مطالبة المرأة بالمساواة بالرجل في النواحي العقلية ككونها جراحة و مهندسة و قاضية و رئيسة جمهورية.. ولا تطالب بالمساواة بينها و بينه في المجالات التي تتطلب مجهود عضلي مثل عامل البناء و المصارع و المحارب في الجيش..
بالنسبة للانتهاكات التي تتعرض لها المرأة فلا يمكن انكارها بداية من كونها طفلة حتى مماتها مرورا بجميع مراحل نموها.. و ذلك بسبب الجهل التام و العادات و الأفكار المتوارثة المتخلفة في المجتمعات النامية و العالم الثالث التي تؤدي الى الانقاص من شأن المرأة و الاستهانة بقدراتها العقلية و اعتبارها مجرد وعاء انجاب و أداة أو وسيلة لتحقيق رغبات الرجل و اشباع متطلباته!!
نتيجة هذه الافكار تنتهك حقوق المرأة بالختان (الذي يعد اعتداء وحشي دموي عنيف و مؤلم على جسد الطفلة) و الزواج المبكر(فتزوج البنات في سن سبع سنين في بعض المجتمعات الريفية و البدوية و العربية) و الضرب و التعذيب و الاغتصاب و التحرش الجنسي في الشارع و المواصلات بكل صوره سواء بالقول أو الفعل.. فتظهر الجمعيات و تنظم المؤتمرات التي تسعى للمطالبة بتجريم هذه الانتهاكات و وضع عقوبات صارمة لمرتكبيها.. و تنادي بأعلى صوتها راجية احترام عقل المرأة و عدم الاستهانة به و أن يتعايش معها الرجل على هذا الاساس و ليس على اساس (المرأة جسد بلا عقل)..

ندى

Anonymous said...

begad nice topic ya man 2awyyyyyyy

Anonymous said...

انا معجب جدا بطريقة السلوبك
بس انا هسال سؤال
اول حاجة يامحيى
انت بتقول فى كلامك فى ما معناه
ازاى الست تطالب بالقضاء وغيره وغيره
والمفروض ما تستغربش لما يكون ده يحصل فتحمد ربنا مش تكون معترضة ان لسة حاصل اليومين
دول
يعنى من الاخر انك بتقول بطرية من باب الشخرية ان ده مش من حقكم
والسؤال هو فعلا مش من حقهم يامحيى
لو جاوبت بلا
يبقى مش هناقشك
ولو جاوبت بنعم
يبقى مش المفروض نستغرب ان ناس لسة بتاخد حقها دلوقتى
ومخدتوش من زمان

الحاجة التانية
بتقول ان كل الرجلة مش زى سى االسييد
هقولك وحدش عايز وجع دماغ
يعنى لو الراجل مكانش زى سى السيد كانت الست بقت قاضية من زمان
ومكانتش هتنادى بحاجة
يامحيى


الحاجة التالتة
ليه الست متبقاش كمثرى
هو الموضوع انها لو اشتغلت كمثرى جزمجى عربجى محدش هيقولها لا
لكن لو اشتغلت قاضية الكل هيقول لا

محمد فوزي said...

مش المشكله ان اي حد حاسس ان حقوقه منتقصه يطالب بيها المشكله لماتكون المطالبه دي نابعه من
مجردتقليد اعمى او كنوع من العندوخلاص المشكله لما نلاقي اللي بيتكلم مش احنا واللي بيخططلنا حد غيرنا , وتبقى الامور هوجه وزفه وكله عايز يغني , هي دي المشكله

Anonymous said...

لا مش للدرجادى............؟