Sunday, April 13, 2008

ماذا حدث للمصريون؟



ماذا حدث للمصريون...؟


فجاه و بدون اى مقدمات قفزت الحياه فوق رؤوس المصريين و اصبحت عبئا ثقيلا عليهم وبات المواطن المصرى مهددا با الانقراض فى ظل التحديات الجديده التى تتطلب من المصريين مهارات اكبر للحفاظ على وجودهم.. فاصبح حق الحياه مكفولا لمن يستحقه فقط ..وهو "المصرى السوبر" اما المصرى"العادى" فمصيره مجهول...فلم يعد فى مصر مكانا للاشخاص العاديه..فلكى تأكل و تشرب و تتنفس لا بد وان تكون شخصا من نوع خاص ...نوع ليس له مثيل فى قارات العالم الخمس....الا فى ام الدنيا.........مصر...........؟
انطلا قا من المثل الانجليزى الشهير.......
..كانت حياه المصريين...(Easy Come Easy Go).........
.....فلكى يعى المصريون قيمه الحياه فلابد ان يعلموا انها غاليه ومن هنا جاء دور الحكومه المصريه فلكى تعيش فى مصر لابد ان تكون.....؟

صبورا...؟ فانت تقضى 21 عاما تتعلم ثم تنتظر فرصه العمل لبقيه حياتك...

مقاتل ...؟ لكى تستطيع ان تحصل على "رغيف العيش" من احد الافران.....

تتنفس تحت الماء: وذلك لتتمكن من السفر الى اى دوله اخرى عن طريق البحر......

ان تكون مصنوع من ماده غير قابله للاشتعال :. لكى تتمكن من زياره اهللك.فى صعيد مصر..باستخدام القطار..

ان تكون على درجه عاليه جدا من الثقافه الكرويه : ....لكى تتواصل مع الآخرين....

لاتعلم شيئا عن قواعد المرور :.... لكى تتمكن من السير فى شوارع القاهره.......

ضمن قائمه اغنياء العالم : : لتلبيه احتياجاتك من السلع الغذائيه.....

من احفاد قارون : لكى تتمكن من الحصول على شقه.......

وأخيرا...اخرس : لكى تستطيع التعبيرعن رأيك بكل صراحه

.................فاذا توافرت فيك هذه الصفات عزيزى القارىء....... فانت تستحق ان تعيش...وبالتالى...........(( اهلا بك فى مصر)).....اما ان كنت لا تملك هذه الصفات او احدها.....فانى احب ان ابشرك بانه لم يعد لك مكان فى مصر الان....وبالتالى لم يعد لك مكان على وجه الارض ......فمصر هى البقعه الوحيده على كوكب الارض التى تستطيع ان تستوعب المصريين



محمد محيي....؟

21 comments:

Anonymous said...

هههههههه
جامدة جدا..
بس هقولك على حاجة الحكومة مش دايما مقصرة.. يعني ارتفاع الاسعار ده استفادت منه ناس كتير جدا اقصد اصحاب المهن الحرة.. التجار و السواقين و اصحاب الحرف و الصنايعيةالسباكين و الميكانيكية و الكهربائية و النجارين و النقاشين و الخادمات و كده.. المقاولين و المدرس الخصوصي و اصحاب العيادات و رجال الاعمال.. موظفين الحكومة بيقبضوا فلوس و علاوات و مكافئات عل قعدتهم في المكاتب بياكلوا في سندوتشات الفول ده غير الدعم في العلاج و المصايف و العمرات و الحج.. و يعني الرزق واسع و لو بصيت على باركينج الكلية اكيد هتعرف ان ده شعب لاقي ياكل كويس بس هم بيستعبطوا..
واحد مخلف دستة عيال اكيد ده بيستعبط!!
واحد كسلان يشتغل و يدور على رزقه و مستني الحكومة تشغله و تأكله و تعالجه و تدعمه وتجوزه و تعلمله ولاده ببلاش ده واحد بيستعبط..

بالنسبة للنظافة الغلط على الشعب
بالنسبة لرغيف العيش ازاي عايز رغيف بيتباع ببلاش و ميقفش عليه طابور مش فاهمة..يعني لو الحكومة عملت كيلو اللحمة بخمسة جنيه مش عايز عليه طابور بالضرب؟؟ عامة انا ضد دعم العيش اصلا حوار فاشل ده شعب مش محتاج ياكل بدليل الاحجام ما شاء الله اللي بنشوفها ده علف مش اكل.. و بدليل اننا اكبر شعب بيستهك سجاير منين مش لاقيين ياكلو.. الحكومة بتستلف و تدان عشان تعلف الاحجام و الكروش دي و يزلطوا في عيال..
اعقلها يا محيي ميزانية العيش عشرين مليار جنيه .. اما ميزانية البحث العلمي كام.. اتنين مليار بس.. ده شعب همه على بطنه مش عايزين بحث علمي و نظافة و نظام و كلام فارغ عايزين يملوا بطونهم و بس

ندى

Anonymous said...

والله يأخ محي انا رأي من رأي الأخت ندي أحنا شعب سيبنا فساد التعليم وسوءه وأهتمينا بالأكل ياراجل ده بقي كل خطوتين مطعم أنا نفسي أعرف الناس ده تعمل معاها أيه

MOHIE said...

اولا انا سعيد ان لسه فى ناس راضيه مش متضايقه من اللى بيحصل
ثانيا :لو كل المهن دى استفادت من ارتفاع الاسعار تبقى فين المشكله
"موظفين الحكومة بيقبضوا فلوس و علاوات "و مكافئات عل قعدتهم
انا بجد مش عارف اقول ايه
بعدين لما الاسعار تبقى عالميه يبقى المفروض الاجور كمان تكون عالميه وبعدين الحكومه مش بتداين علشان تأكلنا ولا حاجه الحكومه بتداين لانها ما بتعرفش تعمل حاجه تانيا.............؟
وشكلكو كده حزب وطنى يا أما بترخموا عليا..............؟
وشكرا على تعليقاتكم
thanx

Anonymous said...

اكيد الدنيا مش وردي أوي كدة.. ولا بالسواد دة في شريحة اتظلمت من الناس و هي الوحيدة التي تستحق الدعم انا قلت الحكومة *مش دايما* مقصرة يعني مقصرة في بعض الحاجات اهمها اهمال البحث العلمي و سبل تطوير التعليم و ده اللي أدى انها *مبتعرفش تعمل حاجة تانية* لكنها تعمل على ارضاء معدة المواطن لأن المواطن من الحكومة و الحكومة من المواطن و لو كان البحث العلمي نال اهمية *رغيف العيش* عند المواطن المصري كان حصل اكتفاء ذاتي و لم نلجأ و نستعين بالمعونات و المنح و العطايا و الديون لكن زي ما قلت دي ناس بتعيش عشان تاكل و تزلط في عيال و تربي في دهن

ندى

MOHIE said...

القصه مش مساله وصول الدعم لمستحقيه وبس لان مش محدودى الخل بس هما اللى مظلومين احنا فى حاله فساد ادارى وخططى حاد كله حاجه بقت غلط والناس معذوره بحث علمى ايه اللى بندور عليه ومرتب دكتور الجامعه بال500 وال1000 جنيه واللى هيفكر ده هيفكر ليه ومحدش هيقدرو ولو وصل لحاجه مش هتتنفذ بعدين مش لما يأمن مستقبله الاول اما بالنسبه للتعليم فانا هسيب الازاز اللى بيبقى على صور كل مدرسه هوا اللى يتكلم مش ان...........دا لسه الصحه والموصلات وامجتمع المدنى اللى مالوش دور والبطاله والاحتكار ده وبعد اللى احنا فيه دا كله يقولولك خطط خمسيه.............سلامات
thanx 4 ur replying

Anonymous said...

والله البلد دى محدش بقى عارفلها حال
بجد موضوع جميل

Anonymous said...

بجد كلامك كويس اوى يا محى go on we rabena ma3ak

Anonymous said...

انتى بقيت اشتراكى ولا ايه

منال لطفى said...

حدث للمصريين ان هانوا على انفسهم فهانوا على حكامهم فهانوا على كل العالم http://on.maktoobblog.com/976518/%D8%A7%D8%BA%D8%B6%D8%A8%D9%89_%D9%8A%D8%A7_%D9%85%D8%B5%D8%B1/

hekaytna said...

والله يا محيي انت صدقت في كل كلامك ربنا معانا ويفكها علينا يارب
تحياتي علاء

hekaytna said...

واسلوبك انت اللي روعه بجد شرفت مدونتي بزيارتك
تحياتي علاء

YaQeeN said...

طيب انت بتتكلم عن محدودى الدخل..
محدودى الدخل مش عارف يعيش اساساً..ما بالك من معدومى ابدخل..
تخيل عايش ازاى المواطن معدومى الدخل..بيبات مفيش فى جيبه مليم احمر(طيب يا ريييييييت المليم الاحمر يرجع..اهو كان ليه قيمه)..

بصراحه احنا اللى عملنا فى نفسنا كده..
ركبنا على افواهنا سوسته نحاس وتربسناها..اتعودنا على السكوت..العيب مننا مش من حد تانى..

بالنسبه للعيش..كلمه صغيره كده..
العيش لا يصلح للاستخدام الآدمى..والله ..آكله ازاى انا وهو استغفر الله العظيم مينفعش يتاكل..

فى الاول والاخر الحمد لله..

YaQeeN said...

وعلى فكره..
رأى لا يجد من يسمعه..
رأى لا يسمعه الا الله..
لينا ربنا والله العظيم..ده حاجه تفور الدماغ..

سورى نسيت اهنيك على البوست..الحقيقه رائع وجرئ احييك..

اتحادالمدونين المصريين said...

الاخ الفاضل
محمد
برجاء التكرم بالدخول على مدونة الاتحاد وكتابة استمارة العضوية وبها بياناتك الصحيحة من لجنة العضوية ولك كل الشكر
واين شعار الاتحاد برجاء تنزيله
اخوكم
حسن محمد توفيق
من مؤسسى اتحاد المدونيين المصريين

اتحادالمدونين المصريين said...

اخى الفاضل

اختى الفاضلة

عضو اتحاد المدونين المصريين

انصحك بالتواصل مع موضوع لحمايتك مما

قد يوقعك تحت طائلة القانون ونحن نعمل

لمصلحتك وحمايتك ..

فى انتظارك بمدونة الاتحاد ولك كل الشكر

نعمل من اجلك ولوجه الله
-----
اين شعار الاتحاد ؟

اتحادالمدونين المصريين said...

اخى الفاضل
اختى الفاضلة
عضو اتحاد المدونين المصريين
ادعوكم للاطلاع على موضوع من ابداعات الاعضاء
--------------------
**************( اتيكيت استخدام الايميل ) ***************
من مدونة المصرى الاول ....... للزميل العزيز عضو الاتحاد

-------------------------( وائل المصرى ) ----------------------------
اتمنى ان تسعدوا بزيارتكم

ورجاء ان ترشحوا لنا اى موضوع يفيد باقى الاعضاء لنشره فى مدونة من ابداعات الاعضاء
----------------

ShireeF said...

الاسلوب 10
الموضوع 10
انت بجد تحفة يا استاذ محمد وربنا معاك

اتحادالمدونين المصريين said...

اخى الفاضل

اختى الفاضلة

********************** دعوة ***********************

ندعوكم للمشاركة فى حملتنا من اجل فلسطين ومن اجل اسرى المسلمين فى سجون

الاحتلال وجوانتاناموا ومن اجل التذكير بحقوق الشعب الفلسطينى وبخاصة حق العودة الذى

تجرى محاولات لشطبة وطمسه من قرارات الامم المتحدة .....

فى انتظاركم لدعم اخوتنا ومواجهة المحاولات الصهيونية الامبريالية الاسرائيلية الامريكية

اتحادالمدونين المصريين said...

اخى الفاضل

اختى الفاضلة

********************** دعوة ***********************

ندعوكم للمشاركة فى حملتنا من اجل فلسطين ومن اجل اسرى المسلمين فى سجون

الاحتلال وجوانتاناموا ومن اجل التذكير بحقوق الشعب الفلسطينى وبخاصة حق العودة الذى

تجرى محاولات لشطبة وطمسه من قرارات الامم المتحدة .....

فى انتظاركم لدعم اخوتنا ومواجهة المحاولات الصهيونية الامبريالية الاسرائيلية الامريكية

Anonymous said...

اخ الفاضل - اختى الفاضلة

عضو اتحاد المدونين المصريين

كل عام ونحن جميعا الى الله اقرب

كل التهنئة بقدوم شهر رمضان

اعاده الله علينا جميعا بالخير والبركات

ودعواتنا جميعا بتحقيق الامال التى نصبوا اليها

Anonymous said...

يدعوكم اتحاد المدونين المصريين الى مساندة ودعم زميلنا العزيز

الاستاذ

خالد الصاوى

صاحب مدونة

منارة العرب

فى محنته المرضية التى يمر بها ..

لمزيد من التفاصيل برجاء زيارة مدونة الاتحاد